banner_adal

Netfang:

eldvorn@eldvorn.com

Eldvörn ehf.

Smiðjuvellir 17

300 Akranesi

Sími: 431-3244

GSM: 894-2947

Seljum allar gerðir og stærðir slökkvitækja.

Eldvörn selur aðeins vönduð og viðurkennd slökkvitæki. Á vef Brunamálastofnunnar má fá nákvæmar upplýsingar um notagildi og eiginleika mismunandi slökkvitækja. Eldvörn aðstoðar þig við val á slökkvitækjum ef vill og setur þau upp.

Mikilvægt er að kynna sér notkun tækjanna. Hjá Eldvörn færð þú viðeigandi leiðbeiningar með hverju slökkvitæki.

dufttaek
lettvatn
vatnstaeki
co2_taeki

Dufttæki hafa mikinn slökkvikraft og eru mjög fjölhæf og duga á flesta elda en þau skilja eftir sig duft sem erfitt er að þrífa. Besta leiðin til að þrífa það er að nota ryksugu, ekki vatn. Duftið sprautast út af miklum krafti og því ber að varast að fara ekki of nærri eldinum við notkun þeirra. Dufttækin fást í mörgum mismunandi stærðum, allt frá 1 kg upp í 50 kg á vögnum.

Léttvatnstæki eru ekki alveg jafn fjölhæf og dufttækin, en samt mjög góð á flesta elda. Slökkvigetan er ekki eins mikil en þau eru mun “þrifalegri”. Léttvatnstækin eru góð á A-elda (í föstu efni) og frábær á eldfima vökva. Þessi tæki fást 6 og 9 lítra eða á vögnum allt að 135 lítrum.

Vatnstæki eru á A-elda eingöngu, þ.e. í föstum efnum svo sem timbri, pappír, fatnaði og öðrum efnum sem geta myndað glóð. Slökkviæki sem eru algeng á skrifstofum, verslunum,skólum, hótelum og víðar. Stærð yfirleitt 9 lítrar og hafa langa kastlengd., allt að 10 metrum.

Koltvísýringstæki/Kolsýrutæki -CO2- eru fyrir B og C-elda þ.e. elda í eldfimum vökvum, feiti, olíum ofl. Einnig á rafmagnselda, t.d. rafmagnstölfu og rafbúnað. CO2 slökkvitækin kæfa eldinn og sóða lítið sem ekkert út. Þessi slökkvitæki eru mikið notuð í atvinnuhúsnæði og víðar. CO2 tækin eru oftast 2 eða 5 kg en fást allt upp í 45 kg á vagni..

taeki

Kynnið ykkur vel hvernig á að nota slökkvitæki.

Notkun á dufttæki: sjá hér

ad_rotum
brennandi_hus1_litil

Eldar og slökkvitæki.

Eldur er flokkaður í 3 flokka:

A-eldar: Í föstum efnum, t.d. timbri, pappír, plasti, fatnaði. Viðeigandi slökkvitæki eru vatnsslökkvitæki, léttvatnsslökkvitæki og duftslökkvitæki.

B-eldar: Í fljótandi vökvum, t.d. olíu, bensíni, feiti, lakki ofl. Viðeigandi slökkvitæki eru duftslökkvitæki, kolsýruslökkvitæki og léttvatnsslökkvitæki.

C-eldar: Í gastegundum og rafmagni. (Rafmagn var reyndar flokkað sér áður) Viðeigandi slökkvitæki duftslökkvitæki, kolsýruslökkvitæki og léttvatnsslökkvitæki (ABC)

simpson_slekkur

Er slökkvitæki inni á þínu heimili? Hugsaðu um þá sem þér þykir vænst um. Eldur drepur.

Slökkvitæki á að yfirfara árlega. Fjárfestu í eigin heilsu.

Kynnið ykkur vel notkun slökkvitækja - þau geta bjargað mannslífum og verðmætum. Slökkvitæki eiga að vera inni á hverju heimili, öllu atvinnuhúsnæði, stofnunum, opinberum byggingum, sumarhúsum, húsbílum, öllum stærri bifreiðum, bátum, skipum og víðar.

Neðan greint er tekið af vef Brunamálastofnunnar:

Á hverju heimili skal vera handslökkvitæki, eldvarnateppi og reykskynjari. Í fjölbýlishúsum má handslökkvitækið vera á hverjum stigapalli.

Til eru margar gerðir slökkvitækja sem hafa má á heimilum. Slökkvitæki á að vera við útgönguleið og vel sýnilegt. Mikilvægt er að allir á heimilinu viti hvar slökkvitæki eru geymd og hvernig á að beita þeim. Slökkvitæki þarf að yfirfara reglulega af viðurkenndum þjónustuaðilum. Algengustu tækin eru 6 kg dufttæki og 9 l léttvatnstæki. Kallið alltaf til slökkvilið ef kviknað hefur í til þess að tryggja að örugglega hafi tekist að slökkva eldinn.

 

eldur_drepur2
smiley

Það er nauðsynlegt að kunna til verka ef maður ætlar að vera með sýnikennslu eða hvað? Skoðið þetta.

Þessir 3 kolsýruvagnar eru í eigu Sementverksmiðjunnar á Akranesi og eru líklega síðan fyrir árið 1960. Böðvar tók vagnana í gegn fyrir um 15 árum og eru þeir enn sem nýir, enda er lögð natni í þá hjá Eldvörn í árlegu viðhaldi.

gomlu
[Home] [Eldvörn] [Slökkvitæki] [Skynjarar  ofl.] [Öryggisgæsla] [Hestamenn]